Bucks mbetet “gjallë”, thyejnë Indiana, fiton edhe Philadelphia

Nuk ka asnjë të kualifikuar në sfida e radhës në NBA. Milwaukee Bucks mbeten në lojë fal suksesit 115-92 ndaj Indiana Pacers.

Pavarësisht se duhet të bënin llogaritë pa dy lojtarë thelbësorë si Lillard dhe Giannis Antetokounmpo, ekipi i Doc Rivers triumfoi duke e dërguar në 3-2 rezultatin në favor të Indiana-s.

5 titullarë të Indiana-s realizuan mbi 12 pikë, ndërsa për Buck spikati Khris Middleton me 29 pikë, 12 rimbaund dhe 8 assiste.

Në fushën e Indiana-s, Bucks duhet të sigurojnë një tjetër fitore për të qëndruar në lojë. Në lojë qëndron edhe Philadelphia, me këta të fundit që mposhtën 112-106 New York duke ngushtuar diferencën në 3-2.

Një sfidë shumë e bukur rezultoi ajo ndërmjet Cleveland dhe Orlando Magic, me Cavaliers që triumfuan 104-103 duke e dërguar në 3-2 numrin e fitoreve.