Ndizet gara për 120 milionëshin, PSG sfidon Cityn dhe Arsenalin

Ndër lojtarët më të spikatur në Premier League, pavarësisht se sezoni i Newcastle ka qenë zhgënjyes, sigurisht që është Bruno Guimaraes (26 vjeç).

I blerë nga bardhezinjtë e Anglisë në janar 2022 për mbi 40 milionë euro, braziliani me pasaportë të dyfishtë spanjolle është i lidhur me Magpies me një kontratë që skadon më 30 qershor 2028 dhe për të kanë filluar të interesohen tre klube të mëdha…

Dhe jo vetëm ato angleze. Pikërisht në momentin e rinovimit të fundit, të përfunduar tetorin e kaluar, në kontratën e tij është futur një klauzolë me vlerë gati 120 milionë euro.

Mesfushori i lindur në vitin 1997 pëlqehet nga dy emra të mëdhenj të Premier League, si Arsenali dhe Manchester City, raporton The Telegraph, por në gjurmët e tij është vënë edhe Paris Saint Germain.