Nesër Ballkani-BATE Borisov, kjo është deklarata e Dajës

Qëndrim Zyba dhe Lindon Emërllahu nuk do të jenë të gatshëm ta ndihmojnë Ballkanin në ndeshjen kundër Bate Borisovit që zhvillohet të enjten në kuadër të play off-it të Ligës së Konferencës.

Kështu ka bërë të ditur trajneri i Ballkanit, Ilir Daja, në konferencë për media para ndeshjes në “Fadil Vokrri”.

“Largimi i Albion Rrahmanit, lëndimi i Lindon Emërllahut dhe i Qëndrim Zybës bëjnë që Ballkani të mos jetë në formën optimale për këtë sfidë. Gjithsesi kjo nuk do të jetë për justifikim sepse ne duam të japim më të mirën nesër”, tha Daja.

Ai pranoi se duke parë eksperiencën evropiane, Bate është skuadër favorite në këtë ballafaqim.

Sfida mes Ballkanit dhe Bate Borisovit zhvillohet nesër me fillim nga ora 20:45 në stadiumin “Fadil Vokrri”.