34 fitore radhazi në krye të Al Hilal, arkitekti Jorge Jesus rinovon kontratën me klubin arab

Skuadra e tij po thyen të gjitha rekordet dhe ka një seri fitoresh vërtet të jashtëzakonshme.

Për këtë arsye, sipas Al-Riyadiyah, Al Hilal është gati të zyrtarizojë rinovimin e Jorge Jesus: kontrata e re e trajnerit portugez do të jetë e vlefshme deri në mesin e vitit 2026.

Skuadra saudite së fundmi ka arritur fitoren e 34-të radhazi në të gjitha kompeticionet, duke fituar edhe Superkupën kombëtare pasi mposhti Al Nassr në gjysmëfinale dhe Al Ittihad në finale.

Një seri mbresëlënëse, më e mira ndonjëherë pas tejkalimit të rekordit të skuadrës uellsiane New Saints pak javë më parë, e cila në vitin 2016 arriti 27 suksese radhazi.