“Galaktikët” bëhen gati, ja numrat që Mbappe dhe Endrick do të mbajnë në fanellë

Fundi i sezonit po afron dhe të gjithë te Real Madrid janë të emocionuar, pasi me shumë gjasa, Kylian Mbappe do të firmosë me “Los Blancos”.

Sipas asaj që raportohet nga “AS”, Real Madrid ka vendosur tashmë se cilët do të jenë numrat e fanellave për sezonin e ardhshëm dhe kurioziteti i madh është padyshim që është vendosur tek ai i Mbappe.

Futbollisti francez do të trashëgojë numrin 10-të, aktualisht në pronësi të Luka Modric, ndërsa talenti brazilian Endrick, pritet të marrë numrin 9-të, atë që la Benzema.