“Mos na lë me 10 lojtarë në fushë”, yjet e Real Madridit i dërgojnë një mesazh Viniciusit

“Mos na lë me 10 lojtarë në fushë”, është mesazhi i lojtarëve të Real Madridit për yllin brazilian Vinicius Jr, sipas sulmuesit spanjoll Joselu.

Joselu lavdëroi Vinicius për personalitetin e tij jashtë fushës, por pranoi se braziliani mund të jetë pak nervoz kur luan për Real Madridin.

“Vini është një djalë i veçantë. Brenda dhomës së zhveshjes, ai është shumë i përulur, i buzëqeshur. Ai më ka trajtuar mua shumë, shumë mirë që nga dita e parë”, ka thënë Joselu fillimisht.

“Brenda fushës, ai transformohet paksa, por mendoj se është për shkak të diferencës që ai duhet të vendosë ndeshjet. Ai ëshë shumë vendimtar, shumë i mirë, njëri nga lojtarët më të mirë në botë, dhe kjo mendoj se i shqetëson rivalët”.

“Është e qartë se ka gjeste për të cilat ai mund të përmirësohet, por ai është shumë i ri dhe ne të gjithë po e mbështesim atë. Do të ketë kohëra kur ai duhet të vendosë se si të ballafaqohet më këto probleme, por ai është një djalosh spektakolar”, është shprehur Joselu.

“Në dhomën e zhveshjes ne kemi shumë dashuri për të”, përfundoi ai.

Vinicius Jr do të humbasë ndeshjen e parë të Real Madridit pas pushimit me kombëtare ndaj Athletic Bilbaos, për shkak të akumulimit të kartonëve të verdhë.