Triumfi i Man Cityt kundër Newcastle-s, Guardiola: Askush nuk ka arritur të fitojë kaq shumë sa ne

Manchester City preu biletën për në gjysëmfinalet e Kupës FA, teksa arriti të mposht Newcastle-n me rezultatin 2-0, falë dy golave të Bernardo Silvës.

Pas përfundimit të ndeshjes, Pep Guardiola dha një intervistë për “BBC News” ku theksoi lojën e mirë që zhvilloi skuadra e tij:

“Ndihem mirë. Unë e di se ne luajmë për të fituar finalet, por që ta arrish një gjë të tillë duhet të fitosh edhe ndeshjet që të çojnë deri atje. Ne kemi fituar 4 Kupa Karabao rresht, dhe tani sapo u kualifikuam për në gjysëmfinalet e Kupës FA për të gjashtën herë radhazi. Të vazhdosh të luash me mënyrën si ne e bëjmë është e pabesueshme, urime skuadrës, askush se ka bërë këtë gjë më përpara”.

Kundërshtari i Man Cityt në gjysëmfinalen e kupës FA, do të jetë Koventri (i cili u kualifikua duke mundur Uolverhempton me shifrat 3-2) ose një prej çifteve Chelsea- Leicester dhe Manchester United-Liverpool.