Champions League, Barça “motivon” 44 mijë tifozë në “Estadi Olímpic Lluís Companys”

Shpesh herë këtë sezon është thënë se një problem i madh për Barcelonën ka qenë edhe faktori fushë.

Siç dihet skuadra në fjalë nuk i luan më takimet e veta në “Camp Nou” pasi impianti i është nënshtruar rikonstruksionit të plotë.

Për këtë motiv Barça luan takimet “në shtëpi” në stadiumin fare pranë qytetit, në impiantin “Estadi Olímpic Lluís Companys”. Në këtë infrastrukturë shpesh herë skuadra e ka parë veten në vështirësi pasi tifozët nuk kanë preferuar që ta ndjekin nga shkallët e stadiumit.

Por ky nuk do të jetë rasti i takimit të sotëm ku Barça pret Napolin për të vendosur se cila prej dy ekipeve, të cilat u ndanë në barazim 1-1 tre javë më parë, në sytë e rreth 44 mijë tifozëve.

Sipas medieve katalane mësohet se të pranishmit në stadium sot do të jenë më të shumtë në numër krahasuar me ndeshjen mes Barçës dhe Portos (43.533 mijë spektatorë).

Një shifër e tillë qëndron shumë larg numrit të spektatorëve të klasikes së luajtur me Realin ku skuadrat u ndeshën në sytë e 50.112 mijë tifozëve.