Emocionet e Kupës së Kosovës rikthehen me superduele

Emocionet e Kupës së Kosovës në futboll, rikthehet sot dhe nesër me ndeshjet çerekfinale.

Ky rreth i garave, kthehet sot me dy ndeshje interesante, ku do të përballen Prishtina-Trepça ’89 dhe Dukagjini-Drita.

Në të dy përballjet priten duele të forta pasi që të katër ekipet synojnë t’i shkojnë deri në fund të kësaj gare, e dyta për nga rëndësia në vendin tonë.

Ndërkaq, të enjten do të luhen edhe dy ndeshjet tjera të këtij rrethit, ku do të ballafaqohen Vjosa-Suhareka dhe Malisheva-Ballkani.

Sot takohen:

Prishtina-Trepça ‘89

Dukagjini-Drita

Nesër takohen:

Vjosa-Suhareka

Malisheva-Ballkani

Të gjitha ndeshjet fillojnë në orën 13:00.