Muriqi titullar në humbjen e Mallorcas ndaj Villarealit

Mallorca është mundur para tifozëve të saj nga Villareali, me rezultat 0-1, të premten mbrëma në kuadër të javës së dytë në La Ligën spanjolle.

Pas barazimit me Las Palmas në javën e parë të këtij sezoni në elitën spanjolle, Mallorca sonte pësoi disfatë nga Villareali.

Dueli mes Mallorcas dhe Villarealit, ka dhuruar një sfidë interesante, derisa golin e vetëm dhe të fitores për skuadrën mike e realizoi Moreno (63’).

Sulmuesi kosovar Vedat Muriqi ishte titullar në duel me Villarealin. Ylli i ‘Dardanëve’ nuk ia doli as në javën e dytë të gjejë rrugën e golit.