Dy superderbi sot në Ligën e Kampioneve

Gara më prestigjioze evropiane në nivel të klubeve, Liga e Kampionëve do të vazhdoj sot dhe në program janë dy ndeshje derbi.

Vëmendja kryesore do të jetë në stadiumin “Giuseppe Meazza” në Italia, aty ku Interi e pret skuadrën spanjolle Atletico Madrid, raporton KosovaPress.

Zikaltërit ishin në finale të këtij kompeticionin sezonin e kaluar dhe janë të etur që nën drejtimin e Simone Inzaghit ta përsërisin këtë sukses, por nga ana tjetër, skuadra spanjolle me në krye trajnerin Diego Simeone janë njëra nga skuadrat më të papërshtatshme evropiane, andaj pritet një spektakël i madh për 90 minuta.

Ndeshja tjetër, po aq e rëndësishme është edhe ajo ndërmjet PSV Eindhoven dhe Borussia Dortmundit.

Të dy ndeshjet nisin nga ora 21:00.