Morata i befason të gjithë, gati për Interin?

Lajm i shkëlqyer nga seanca e fundit stërvitore për Atletico Madridin në kuadër të ndeshjes të së martës në “San Siro” kundër Interit dhe e vlefshme për ndeshjen e parë të 16-shes së Ligës së Kampionëve.

Alvaro Morata nisi punën pjesërisht me grupin, duke dribluar dhe goditur në portë pa pasur asnjë problem, duke parashikuar në mënyrë sensacionale kohën e rikuperimit pas “një tendosje të ligamentit të brendshëm anësor të gjurit të djathtë”, të pësuar një javë më parë në ndeshjen e La Ligës kundër Sevillas.

Dy ditët e ardhshme do të jenë vendimtare por nuk mund të përjashtohet – shkruan gazeta spanjolle Marca – që ai të thirret kundër zikaltërve.

Pritej një ndalesë prej rreth njëzet ditësh për Morata-n, asnjë raund i parë kundër Interit dhe rikthim për ndeshjen e dytë gjysmëfinale të Kupës së Mbretit kundër Athletic Bilbaos më 28 shkurt.

Në vend të kësaj, sulmuesi mund të jetë i disponueshëm shumë më shpejt se sa pritej, madje duke udhëtuar drejt Milanos me skuadrën që do të sfidojë zikaltërit e Simone Inzaghit.