Muçi zyrtarisht lojtar i Besiktasit

Futbollisti shqiptar Ernest Muçi tashmë edhe zyrtarisht është lojtar i ri i klubit turk, Besiktas.

Reprezentuesi i Shqipërisë i është bashkuar skuadrës turke nga Legia Warsavw për çmimin 10 milionë euro.

22-vjeçari, i cili ka shfaqur formë të lartë tek Legia, tashmë është lojtari me i ri i Besiktasit, skuadër në të cilën do ta gjejë edhe yllin kosovar Milot Rashicën.

Më transferimin e Ernest Muçit tek klubi turk, ka përfituar edhe klubi shqiptar Tirana, pasi skuadra shqiptar e mban 10 përqindeshin e kartonit të lojtarit.

Sulmuesi shqiptar ka nënshkruar një marrëveshje të vlefshme deri në verën e vitit 2027, nga e cila do të përfitojë plot 1.8 milionë euro në sezon, shifër kjo e konsiderueshme për një nga talentet më premtues të futbollit tonë, të këtyre viteve të fundit.

Besiktas përmes një njoftimi, ka konfirmuar blerjen e Ernest Muçit.

“Mirësevjen te Besiktas”, thuhet në njoftimin e klubit turk.