Tifozja e “flaktë” sugjeron që bashkëshortja e Thiago Silvës të marrë drejtimin e Chelsea-t

Astrid Wett kërkon që Chelsea të marrë si trajnerë bashkëshorten e Thiago Silva, Belle, në vend të Mauricio Pochettino.

Trajneri i Blutë të Londrës është nën presion pas humbjes 4-2 të dielën ndaj Wolves.

Disa tifozë kanë bërë thirrje që të kthehet Jose Mourinho në krye të skuadrës, ndërkohë që John Terry të jetë ndihmësi i tij.

Ndërkohë Astrid, një influencere dhe fanse e madhe e Chelsea mendon se dhe bashkëshortja e Thiago Silvës mund ta bëjë më mirë këtë punë se Pochettino.

Pas ndeshjes, Belle shkroi në X, dikur Twitter: “Është koha për të ndryshuar. Nëse prisni më, do të jetë shumë vonë.”

Si përgjigje, Astrid komentoi: “A mund të jesh trajnerja jonë e ardhshme?”

Kjo e fundit në fakt është një ndjekëse e rregullt e Chelsea-t jo vetëm në Stamford Bridge, por dhe në sfidat në transfertë, ndaj dhe një këshillë e saj ndoshta duhet marrë parasysh.