Shkëlqeu në fundjavë, Rrahmani në formacionin e javës në Rumani

Sulmuesi kosovar Albion Rrahmani tashmë e ka gjetur formën e tij më të mirë.

Reprezentuesi i Kosovës, është rikthyer në mënyrën më të mirë të mundshme nga lëndimi që e kishte pësuar vitin e kaluar.

Rrahmani shkëlqeu në fundjavë duke e shënuar njërin nga dy golat e Rapid Bukureshtit në fitoren 2-1 ndaj Otelulit.

Falë performancës së mirë, kosovari ka zërë vend në ekipin ideal të xhiros së 24-të në ligën elitare të Rumanisë.

23-vjeçari ka shënuar tetë gola në këtë edicion derisa ka bërë edhe dy asistime.

Formacioni (4-3-3): Sava, Vladoiu, Larie, Benga, Mascerenhas, Keita, Cretu, Alhassan, Bauza, Rrahmani, Omondi.