Shkëlqeu në derbi, Thomas shpallet MVP

Në javën e 20-të u përballën katërshja e madhe e basketbollit të Kosovës, ku Peja mundi Sigal Prishtinën në udhëtim, derisa Trepça shënoi fitore ndaj Bashkimit, po ashtu në udhëtim.

Në fitoren e kampionëve të Kosovës ndaj prishtinasve, shkëlqeu Larry Thomas me 24 pikë, tetë kërcime e pesë asistime. Nga 24 pikë, 18 i realizoi për tre pikë, duke qenë i saktë gjashtë herë nga 11 tentime.

Myreon Jones i Vëllaznimit përballë Istogut, po ashtu kishte indeksin e ndeshjes 27, me 24 pikë e pesë kërcime. Për të është hera e parë që hyn në top 5.

Golden Eagle Ylli shënoi fitore të vlefshme ndaj Proton Cable Prizrenit, ku u dallua Jalen Nesbitt me 22 pikë e gjashtë kërcime.

Mitrovicasit shënuan fitoren e 13-të radhazi në këtë edicion, dhe të 18-tën në përgjithësi, ku u dalluan dyshja vendore, Drilon Hajrizi dhe Mikaile Tmusiq. Hajrizi kishte 16 pikë e shtatë kërcime, derisa Tmusiq me14 pikë, katër kërcime dhe dy asistime.

Top 5

Larry Thomas (Peja) 24 pikë, 8 kërcime, 5 asistime, 27 indeksi

Myreon Jones (Vëllaznimi) 24 pikë, 5 kërcime, / asistime, 27 indeksi

Jalen Nesbitt (Golden Eagle Ylli) 22 pikë, 6 kërcime, / asistime, 25 indeksi

Drilon Hajrizi (Trepça) 16 pikë, 7 kërcime, / asistime, 17 indeksi

Mikaile Tmusiq (Trepça) 14 pikë, 4 kërcime, 2 asistime, 15 indeksi