Vidali rikthehet në Kili, prezantohet si ‘mbret’

Arturo Vidal u rikthye në Kili pas plot 17 vitesh karrierë të ndarë mes Evropës dhe Brazilit.

Vendasit e pritën “djalin” e tyre me shumë entuziazëm teksa mesfushori do të veshë sërish fanellën e Colo-Colo klub me të cilin nisi karrierën në vitin 2005 (qëndroi deri në 2007).

36-vjeçari u prezantua në stadiumin “Monumental” para 35 mijë personave ndërsa klubi kishte menduar çdo detaj.

Vidali mbërriti në stadium me helikopter ndërsa më pas mbërriti një veshje speciale, pelerina, shpata dhe kali për ta nderuar mesfushorin e për ta shndërruar në personazhin “Rey Arturo” ashtu edhe është njohur përgjatë karrierës së tij.