Sfida mes Leo Messit dhe Cristiano Ronaldos nuk do të zhvillohet sot. Në orën 19:00 në Kingdom Arena në Riad është caktuar ndeshja miqësore mes Al-Nassr, klubi ku luan portugezi, dhe Inter Miamit të Messit, Luis Suarez, Sergio Busquets dhe Jordi Alba. Ndeshja (me nofkën The Last dance) u krijua për të parë dy protagonistët e mëdhenj të futbollit botëror përballë njëri-tjetrit në një ndeshje miqësore.
Por Ronaldo nuk do të marrë pjesë në sfidë. Këtë e ka konfirmuar vetë trajneri i Al-Nassr, Luís Castro. “Nuk do ta shohim Ronaldon kundër Messit: Ronaldo është në pjesën e fundit të rikuperimit të tij, gjë që do ta lejojë atë të kthehet në grup”, deklaroi ai në një konferencë për shtyp.
- “Shpresojmë që në ditët në vijim të fillojmë punën me ekipin, ai do të mungojë në ndeshje”.