Real Madrid sërish fiton me përmbysje, mposht Las Palmas

Real Madrid ka marrë një fitore të vështirë në udhëtim te Las Palmas, në kuadër të xhiros së 22-të në La Liga.

“Los Blancos” po vazhdojnë me “traditën”, duke triumfuar me përmbysje nga 1:0 në 1:2 për t’i arkëtuar pikët e plota.

Pjesa e parë ishte e barabartë, ku të dy skuadrat kishin raste shënimi por që s’i finalizuan.

Portieri Andriy Lunin bëri një paraqitje mahnitëse duke ia mohuar golin vendasve, që tentuan disa herë nga afërsia.

Në fillimin e pjesës së dytë, Las Palmas krijuan një kundërsulm mahnitës me Ramirez që asistoi për mrekulli te Javier Munoz që e dërgoi topin brenda rrjetës (53’).

Pas kësaj, Real Madrid sulmojë me të gjitha forcat duke e përmbysur në fund. Fillimisht, Vinicius Junior me një goditje vollej pas një asistimi maestral të Edourdo Camavingas e barazoi rezultatin (65’).

Ndërsa, heroi ishte i inkuadruari Aurelien Tchouameni që realizoi me kokë pas harkimit nga këndi të Toni Kroosit (84’).

Real Madrid tani merr kreun e La Liga-s me 54 pikë derisa Las Palmas renditet në pozitën e tetë me 31 sosh.