Barça, Laporta zgjedh 41-vjeçarin e Premier League si pasardhës të Xavi-t

Presidenti i Barcelonas, Joan Laporta raportohet se po konsideron trajnerin e Arsenalit, Mikel Arteta, si një zëvendësues të mundshëm të Xavi Hernandez.

Barça emëroi Xavi si trajner në nëntor 2021 pas largimit të Ronald Koeman. Ai e udhëhoqi klubin drejt titullit të La Ligës dhe trofeut të Superkupës së Spanjës në sezonin e tij të parë të plotë në drejtim të katalanasve.

Megjithatë, skuadra ka vuajtur këtë sezon n për të mbrojtur titullin në kampionat. Barcelona ndodhet e katërta në renditje, tetë pikë mbrapa Gironas kryesuese me një ndeshje më pak.

Barca gjithashtu humbi 4-1 kundër rivalëve të mëdhenj Real Madrid në finalen e Superkupës së Spanjës të dielën, më 14 janar. Kjo ka rritur më tej presionin ndaj Xavi, i cili ka fituar 74, ka humbur 24 dhe ka barazuar 20 nga 118 ndeshjet e tij në krye të Barcelonas.

Sipas gazetarit Adrian Sanchez, presidenti i klubit Laporta e ka identifikuar Artetan si një zëvendësues të mundshëm nëse gjërat nuk përmirësohen së shpejti, raporton telesporti.

Arteta ka bërë një punë të shkëlqyer tek Arsenal, pasi u emërua në dhjetor 2019 pas shkarkimit të Unai Emery.

Spanjolli i ka kthyer Topçinjtë në pretendentë për titullin në Angli. Arteta gjithashtu ka fituar FA Cup dhe Superkupës së Anglisë gjatë kohës së tij me Arsenalin.

Ai ka fituar 123 nga 209 ndeshjet e tij në krye të skuadrës londineze, duke humbur 54 dhe duke barazuar 32. Kontrata e tij me klubin skadon në vitin 2025.