Avokatja e Arlindës: Kishte vetëm një kërkesë, bashkimin me djalin – qëndroi në shtëpi pavarësisht rrezikut

Adelina Hoxha, avokatja e Arlinda Zekajt në emisionin “Kosova Today” ka folur për kërkesën e vetme që tashmë e ndjera, kishte nga ajo.

Sipas Hoxhës, Arlinda kërkonte vetëm bashkimin me djalin e saj, transmeton Klankosova.tv.

“E kam marr në korrik Arlindën, edhe pse e kam njohur para, por si kliente e kam marr në korrik. Ajo ka paraqitur një karakter tepër të fortë, unë e konsideroj veten me karakter të fortë, por ajo, nuk kam takuar për 27 vjet përvojë pune, një grua aq këmbëngulëse, aq të fortë si ajo.  Pas disa muajve na kaloi ajo vija kliente-avokate, kaluam në vija pak më të afërta. Të vetmen kërkesë që ka pasur ajo, [ka qenë] Adelina unë e dua djalin”, tha Hoxha.

“Unë e kam peng, nëse ka arrit ta përqafojë. Ka tri ditë që ka hy në shtëpi, kam qenë në stres. Më ka thënë ditën e parë që ka shku, le të më vrajën, mjafton që e kam ndje frymën e tij, kam arrit me përqaf”, tha Hoxha duke treguar fjalët e Arlindës në ditët e fundit të jetës së saj.