NASA lançon teleskopin e ri hapësinor Roman për të eksploruar energjinë e errët

Teleskopi hapësinor Roman, projekti më i ri i NASA-s me vlerë 4.3 miliardë dollarë, u lançua me sukses pak pas agimit nga Qendra Hapësinore “Kennedy”.

Ai u dërgua në hapësirë me raketën Falcon Heavy të SpaceX, e cila ka fuqi të trefishtë. Teleskopi, me përmasa sa një autobus, është emëruar sipas Nancy Grace Roman, astronomes së parë kryesore të NASA-s.

Ai po drejtohet drejt një pike vëzhgimi 1.6 milion kilometra larg Tokës, aty ku ndodhet edhe teleskopi James Webb.Roman do t’i duhen më shumë se tre muaj për të arritur destinacionin.

Pasi të vendoset aty, ai do të ofrojë vëzhgimin më të gjerë të universit të fshehur nga hapësira, duke zbuluar fenomene të reja me shpejtësi të paparë.

“Do të gjejë mijëra supernova, dhjetëra mijëra planetë, miliarda galaktika dhe dhjetëra miliarda yje. Me fushën e tij masive të shikimit, do të jetë në gjendje të bëjë gjëra që nuk kemi mundur t’i bëjmë kurrë më parë” tha drejtoresha e misionit shkencor të NASA-s, Nicky Fox. /rtsh/