E mbyll 2023-shin me fitore, Nottingham rikthehet te triumfi ndaj United në shtëpi pas rreth 32 vitesh

Nottingham Forest triumfon për herë të parë ndaj Manchester United në “City Ground” pas rreth afro 32 vitesh, me fitoren e fundit në shtëpi që daton më 18 mars 1992.

Sfida e vlefshme për javën e 20-të të Premier League përfundoi me rezultatin 2-1, me Nottingham që e mbyll me fitore vitin 2023, teksa United me disfatë.

Kjo ndeshje ishte shumë e luftuar, me golin e parë që erdhi në minutën e 64’, me Dominguez që kkaloi vendasit në avantazh.

Rashford barazoi për Manchester United në minutën e 78’, megjithatë ky rezultat qëndroi për vetëm katër minuta.

Në minutën e 82’, Gibbs-White shënoi sërish për Nottingham Forest dhe i dhuroi një fitore shumë të rëndësishme skuadrës së tij, që rikthehet te triumfi në shtëpi ndaj “Djajve të Kuq” pas rreth 32 vitesh.

2-1 dhe Nottingham Forest renditet në vend të 15-të me 20 pikë, teksa Manchester United renditet në vend të shtatë me 31 pikë.