S’ka rritje pagë për Lewandowskin

Barcelona po bën gjithçka të mos respektojë kontratën që ka me Robert Lewandowskin.

Në këtë vit polaku hyn në vitin e tretë në klub dhe sipas kontratës përfiton rritje page prej 5.2 milionë stërlinash.

Lewa braktisi Bayernin për Barcelonën në verën e 2022-it kur klubi katalan pranoi të paguante për kartonin e tij 42.5 stërlina. Kontrata fillestare është tre vite me opsion shtyrje edhe për një vit të katërt, por forma sulmuesit ka lënë shumë për të dëshiruar.

Sipas akordit Barcelona ka paguar lojtarin 17.3 milionë stërlina në vitin e parë. Në sezonin e dytë Lewa ka përfituar 22.5 milionë stërlina ndërsa në sezonin e tretë shifrës së fundit Barcelona duhet t’i shtojë edhe 5.2 milionë stërlina.

Sipas “Sport”, Barcelona ka nisur të bisedojë me avokatët e saj për të gjetur një mënyrë që të mos ushtrojë këtë detyrim dhe t’i rrisë pagën polakut në sezonin që vjen.

Një tjetër situatë e vështirë e krijuar mes klubit dhe lojtarit është edhe marrëdhënia e tij e keq më trajnerin. Siç raportuan mediet dhe më pas konfirmoi edhe vetë tekniku në fund të ndeshjes, Xavi ka patur një debat të ashpër me lojtarët në pushimin e takimit mes Barçës dhe Almerias.

Trajneri ka kritikuar haptazi disa prej lojtarëve, ndërsa mediat në Spanjë saktësuan se në “syrin” e ciklonit qëndron pikërisht Lewandowski.