Abdixhiku vazhdon takimet me qytetarë në Rahovec: Bashkimi është domosdoshmëri për ringritjen e Republikës

Kryetari i Lidhja Demokratike e Kosovës dhe kandidati për kryeministër, Lumir Abdixhiku, ka zhvilluar një vizitë në fshatin Ratkoc të Rahovecit, së bashku me Vjosa Osmani dhe Avdullah Hoti.

Përmes një postimi publik, Abdixhiku bëri të ditur se gjatë takimit me banorët kanë diskutuar për sfidat me të cilat përballen qytetarët, nevojën për ndryshim dhe vizionin për të ardhmen e vendit.

Ai theksoi se takimi në Ratkoc u karakterizua nga mikpritja dhe bisedat e afërta me qytetarët, duke potencuar rëndësinë e bashkimit në funksion të zhvillimit dhe forcimit të shtetit.

“Folëm për hallet e përditshme, për nevojën e ndryshimit dhe për rrugën që duam ta ndërtojmë bashkë. Bashkimi mbetet vlerë dhe domosdoshmëri për ringritjen e Republikës”, ka deklaruar Abdixhiku.

Vizitat dhe takimet me qytetarë janë pjesë e angazhimeve të vazhdueshme të kreut të Lidhja Demokratike e Kosovës në kuadër të aktiviteteve politike nëpër komunat e Kosovës.