City prek finalen e Botërorit të klubeve, mund Urawa Red Diamonds

Manchester City është kualifikuar në finalen e madhe të Botërorit për klube.

Kampioni në fuqi i Evropës, mundi lehtë ekipin japonez, Urawa Red Diamonds, me rezultat 3-0, të martën mbrëma.

Marius Hoibraten shënoi autogol në minutën e parë të kohës shtesë në pjesën e parë.

Mateo Kovaçiq dyfishoi në minutën e 52-të, derisa për golin e tretë u përkujdes Bernardo Silva në minutën e 59-të.

Man City në finalen e këtij Botërori, do të ndeshet me Fluminensen nga Brazili.

Finalja City – Fluminense do të zhvillohet të premten nga ora 21:00.