Ballkani niset për në Zagreb para ndeshjes “jetike” me Dinamon

Kampioni i Kosovës, Ballkani ka marrë rrugën drejt Kroacisë, një ditë para ndeshjes vendimtare në Ligën e Konferencës kundër Dinamo Zagrebit.

Dinamo Zagreb dhe Ballkani do të përballen të enjten nga ora 21:00, në stadiumin “Maksimir”, shkruan lajmi.

Portokallezinjtë me anë të një postimi në faqen zyrtare në Facebook, kanë publikuar pamje nga aeroporti në Prishtinë, para nisjes për në Zagreb, raporton lajmi.

Ballkanit i nevojitet fitorja në Zagreb dhe të shpresojë në fitoren e Plzenit kundër Astanas, për të siguruar kalimin në fazën tjetër.

Suharekasit kanë katër pikë në pozitën fundit, po aq sa Astana një vend më lart.

Viktoria Plzen është lider me 15 pikë, ndërkohë Dinamo Zagreb është i dyti me gjashtë pikë.