Rinovimi me Napolin ka ngecur, gjiganti anglez në sulm për Osimhen

Vonesat në rinovim dhe zhvillimet e javëve të fundit i shtojnë gjithmonë e më shumë zërat se Victor Osimhen mund t’i thotë lamtumirë Napolit në janar.

Sipas raportimeve të medieve britanike, Chelsea është gati të bëjë gjithçka për të siguruar shërbimet e nigerianit.

Kampionët në fuqi të Italisë nuk dëshirojnë që ta lënë sulmuesin të largohet, megjithatë Osimhen këtë sezon është shfaqur i palumtur dhe me shumë mundësi mund të provojë një eksperiencë të re duke nisur nga janari.