Barcelona prish planet e Newcastle-s për De Gea-n
Barcelona është duke konsideruar ta transferojë portierin David de Gea si zëvendësues i Marc-Andre ter Stegen.
Gjermani do të jetë për diku katër muaj jashtë fushës pasi u operua këtë javë.
Kësisoj, Barcelona ka mbetur vetëm me Inaki Pena andaj “Blaugranat” po shikojnë disa opsione.
“OK Diario” raporton se Barcelona po e mendon ish portierin e Man Unitedit, që kërkohet me ngulm edhe nga Newcastle United.
Në listën e Barcelonës ndodhet edhe Sergio Asenjo, që ndërpreu kontratën me Real Valladolidin dhe është lojtar i lirë.