“Rashford po më duket si Martial”, legjenda e Liverpool: Nuk i interesohet për skuadrën

Barazimi dramatik ndaj Galatasarayt që mund të rezultojë fatal për rrugëtimin në Champions League dhe disfata më pas në Premier League ndaj Newcastle, duket se kanë rikthyer sikletin në radhët e Manchester United.

Tashmë, kritikat kanë nisur të vërshojnë sërish për lojtarët e Erik ten Hag dhe i fundit që po e pëson është edhe Marcus Rashford.

Legjenda e Liverpool, Jamie Carragher e krahasoi atë me Martial, për të cilin më herët ish-mbrojtësi ishte shprehur se nuk i interesonte aspak skuadra.

“Manchester United në këtë moment ka shumë probleme. Nuk më besohet pozicioni që United ka në renditje. Rashford ishte autor i një ndeshje anonime ndaj Newcastle. Prisja më shumë, për më tepër që nuk ishte pjesë e ndeshjes me Galatasarayn. Unë e di mirë se kur skuadra është në vështirësi, një lojtar vendas e ndjen edhe më shumë krizën. Por, është detyra e Rashford të udhëheqë skuadrën, ashtu siç mbaj mend që bënte Gerrard te Liverpool. Tani që e sho Rashford më kujton Martial dhe për mua kjo është më e keqja çfarë mund të thuash për të. Lojtarëve të huaj nuk i intereson skuadra dhe Rashford tani po duket si Martial”, u shpreh Carragher.