Ramadani: Euro 2024? Do doja Italinë, Gjermaninë dhe Zvicrën në grup

Pa fitore në tetë ndeshje, Leçe do të mundohet të kalojë momentin e vështirë në ndeshjen në shtëpi në orën 12.30 të së dielës së 3 dhjetorit ndaj Bolonjës, e vlefshme për javën e 14-të.

Via del Mare do të mbërrijë një skuadër me një formë të shkëlqyer dhe -3 nga zona e Champions League, por verdhekuqtë nuk mund ta shtyjnë më takimin me tri pikët. Ka qenë Ylber Ramadani ai që ka ngritur zërin para ndeshjes, i cili do të rikthehet në fushë të dielën pasi humbi ndeshjen ndaj Veronës për shkak kartonash.

“Më vinte keq që nuk isha atje në një ndeshje të rëndësishme për mbijetesë si ajo kundër Veronës, megjithatë sollëm në shtëpi një pikë të rëndësishme – tha mesfushori kuqezi – Tani le të mendojmë për Bolonjën, duhet të shkojmë në fushë me mentalitetin e duhur, për të marrë fitoren që na ka munguar për një kohë të gjatë. Na duhet për renditjen, për vetëvlerësimin tonë dhe gjithashtu për të shpërblyer tifozët që janë gjithmonë pranë nesh. Në shtëpi mund t’i lëndojmë të gjithë”.

Më pas mesfushori shqiptar foli dhe në funksion të shortit për fazën finale të Euro 2024:

“Kualifikimi ishte shumë i rëndësishëm për vendin tonë. Për të gjithë ne do të jetë një mundësi e shkëlqyer sepse tani kemi një grup lojtarësh të rëndësishëm. Grupi? Do të doja që grupi i evropianëve të përbëhet nga Gjermania, Shqipëria, Italia dhe Zvicra. Do të ishte një grup shumë stimulues për ne”.