Zyrtare: Zekirija Ramadani merr drejtimin e Dritës

FC Drita e ka prezantuar trajnerin e ri.

Zekirija Ramadani është emëruar trajner i ri i ekipit.

Ai e zëvendëson trajnerin grek Akis Vavalis.

Ramadani është prezantuar të enjten, ndërsa me Dritën ka firmosur kontratë deri në fund të këtij edicioni me opsionin e rinovimit edhe për një vit tjetër.

Ramadani është një nga trajnerët më të suksesshëm në histori të futbollit kosovar pasi ai ka fituar trofe me Trepçën ’89, Feronikelin e Prishtinën.

“Zeka” ka drejtuar skuadrën tjetër gjilanase SC Gjilani dhe kishte një aventurë të shkurtër edhe në kampionatin arab te skuadra Ohod.

Lajmin për emërimin e Ramadanit e ka publikuar FC Drita përmes një postimi në rrjetin social “Facebook”.

Postimi pa ndërhyrje i FC Dritës:

Zekirija Ramadani është treneri ynë i ri.

Kemi knaqësinë të ju njoftojmë që kemi arritur marrëveshje me trenerin shkupjan Zekirija Ramadani.

Ramadani është trener i njohur në futbollin kosovar, i cili ka fituar trofe me ekipet paraprake dhe me kënaqësi ka pranuar ofertën e klubit.

Klubi dhe Zeka kanë nënshkruar kontratë deri në fund të sezonit 2024/25, me mundësi vazhdimi edhe për një sezon tjetër. Mirë se vjen Zeko FC DRITA.