Shkëlqen Rodrygo, Real Madrid i jep ‘leksion’ Cadizit

Real Madrid ka shënuar fitore të lehtë në udhëtim te Cadizi për xhiron e 14-të në La Liga.

“Los Blancos” e nisën për mrekulli nga minuta e parë, duke fituar me rezultat 0:3.

Rodrygo ishte padyshim heroi i takimit me dy gola fantastik, derisa Jude Bellingham e realizoi të tretin në ndeshje.

Braziliani pas vetëm 14 minutave lojë bëri disa driblime fantastike për t’i dhënë epërsinë mysafirëve.

Në të njëjtën mënyrë veproi edhe te goli i dytë, ku pas asistimit të Luka Modricit dribloi brenda zonës për të dyfishuar epërsinë (64’).

Fitoren e Realit vetëm 10 minuta më vonë e vulosi Jude Bellingham me një goditje fantastike pas asistimit të Rodrygos (74’).

Real Madrid tani është lider përkohësisht në tabelë me 35 pikë derisa Cadiz zë pozitën e 16-të me 10 sosh.