Mourinho në sulm për mbrojtësin e Arsenalit

Trajneri i AS Romës, Jose Mourinho, raportohet se është hedhur në sulm për mbrojtësin e Arsenalit, Jakub Kiwior.

Strategu portugez, i cili po kalon sezonin e dytë në krye të ‘romakëve’ tashmë është duke menduar që të forcojë akoma më shumë mbrojtjen e Romës.

Sipas “Tuttomercatoweb”, Mourinho është gati të godas Arsenalin për të rrëmbyer mbrojtësin Kiwior.

23-vjeçari u transferua tek Arsenali para një vit, por ka luajtur shumë pak.

Mourinho shpreson se do të sigurojë shërbimet e Kiwior fillimisht në formë huazimi duke pasur parasysh situatën financiare të Romës.