80 milionë euro të papaguara, “martesa” Mbappe-PSG nuk përfundon mirë

Vazhdon në mënyrën më të dhimbshme të mundshme ndarja mes Kylian Mbappe dhe PSG.

Sipas L’Equipe, në fakt, avokatët e kampionit francez dhe ata të klubit të Nasser Al-Khelaifi do të punonin për një çështje delikate ekonomike: Mbappes nuk i është paguar paga e tij për muajin prill dhe as një bonus që daton në muajin shkurt.

Në total, sulmuesi francez po i kërkon ish-klubit të tij rreth 80 milionë euro detyrime të prapambetura.

Shifra nuk është e rastësishme, por do të korrespondonte me “bonusin e besnikërisë” që Mbappe tha se ishte gati të hiqte dorë për t’u rikthyer në skuadër verën e kaluar, pas ndarjes së lidhur me dëshirën e tij për të mos rinovuar.

Al-Khelaifi kishte vendosur që gjithsesi t’ia paguante ato para sulmuesit të tij dhe më pas t’i kërkonte Real Madridit si kompensim. Klubi i Florentino Perez, natyrisht, refuzoi, duke mohuar çdo përfshirje në çështjen e mos rinovimit dhe kështu presidenti i parisienëve do të kishte vendosur t’i mbante direkt nga lojtari.

Historia mes Mbappe-s dhe PSG-së tashmë ka përfunduar zyrtarisht: kontrata e tij skadon më 30 qershor dhe ai tashmë ka shpallur lamtumirën e tij, me Realin që e pret krahëhapur. Megjithatë, tensionet nuk tregojnë shenja uljeje. /rtsh/