Biglia: Më vjen keq për Milanin

Ish-mesfushori i Milanit, Lucas Biglia, ka shprehur keqardhjen e tij për situatën aktuale të kuqezinjve, raporton Rekordi.net.

Në një deklaratë për mediat, ai theksoi se skuadra ka potencial të madh, por nuk po arrin të përmbushë objektivat madhorë të sezonit.

“Milan? Më vjen keq, sepse kanë një skuadër shumë të fortë që nuk po lufton për Ligën e Kampionëve apo për Scudetto,” tha Biglia.

“Ka disa probleme që kuqezinjtë duhet t’i zgjidhin me dyer të mbyllura.”

Argjentinasi, që ka qenë pjesë e Milanit në periudhën 2017–2020, nënvizoi se klubi ka nevojë për qartësi dhe stabilitet për të rikthyer lavdinë e dikurshme. Deklarata e tij vjen në një moment kritik për ekipin, që po përballet me kritika të shumta nga tifozët dhe opinionistët. /Rekordi.net/